Bakit?

Sa limang taon kong pagiging alagad ng media, maraming bagay pa rin akong hindi maintindihan…

1. Bakit kung sino pa ‘yung mga may pinag-aralan, sila pa ‘yung nag-aasal hayup, lalo na sa mga taong alam nilang walang kakayahang lumaban sa kanila?

2. Bakit kailangan pang itira sa mga bahay na gawa ng Gawad Kalinga ang mga katutubo, eh ibebenta rin pala balang araw ng gobyerno ‘yung lupa nila sa mga kapitalista? Kalokohan na patikimin sila ng kumportableng buhay kung hindi ka rin makokonsensyang gawin silang squatter nang ganun-ganun lang.

3. Bakit karamihan sa mga taga-media, ayaw makipag-relasyon sa mga kaopisina nila? Kung praktikalidad din lang ang pag-uusapan, panalo ka na kung gelpren mo ang kaopisina mo… namo-monitor niyo na isa’t isa, madali pang tanggapin na ‘yung walang katapusang paroo’t parito ni babae eh parte lang ng trabaho niya, lalo na kung halimbawa, ahm, segment producer siya.

Marami pa sana akong sasabihin, pero dahil laptop ng kapatid ko ang gamit ko, hindi ako makapag-type nang mahaba.

Tinatamad din akong mag-charge ng sarili kong laptop…

At masaya lang ako dahil nakauwi na ako sa bahay… ngayong gabi, matutulog ako sa sarili kong kama.