Forgettables

Madalas kong makalimutan…

…na hindi na ako dapat masyadong kinikilig kapag ngumingiti si David Cook o tumititig sa camera si Adam Levine.
…na matanda na ako para maaliw kay Spongebob at sa Fairly Oddparents.
…na si Iron Man at Indiana Jones ay kathang-isip lamang.
…at kailangan ko nang ipaubaya si Shia LaBouf sa mga kapatid ko.
…na kailangan ko nang maalarma dahil hindi na nadadaan sa stomach-in-chest-out ‘yung laki ng tiyan ko.
…na mas malaki ang tsansa kong magkaboypren kung sisimulan ko nang mag-ehersisyo at tatantanan ko na ‘yung pagiging matakaw ko sa tsokolate, dairy queen at lechong kawali.
…na hindi pag-iipon ang tawag sa isang libong pisong maintaining balance sa ATM.
…na kailangan ko nang matutong mag-ahit ng kilay…mag-isa.
…na may mga tao talagang sadyang “ganun.”
…na kanya-kanya tayo ng topak.
…na hindi ko dapat itinuturing na “challenge” ang guwapo at matalinong lalaki na hiwalay sa asawa, may anak at ngayo’y may gelpren na tsinita!
…na hindi sa lahat ng araw, pasko.
…na totoo ang karma.
…na may dahilan kung bakit “virtual” ang tawag sa mundo ng internet.
…na hindi ito paid post o domain kaya walang problema kung me mga araw na bobo ang entry ko.
…na utak at lakas ang puhunan ko sa trabaho… kaya sana lang eh natutulog na ako ngayon kasi tatlong oras na lang… kailangan ko na namang magising para sa shoot ko.