Busal?

Nagmamadali si Big Boss umalis sa props lang pala na interview namin sa “Uganda.” May dialogue daw kasi siya sa Manila Peninsula. Dahil barag ako kanina, hindi ko na na-absorb yung sinabi niya, hanggang sa nakabalik na kami sa opisina.

Nakatutok yung TV sa ANC. Pinag-uusapan ’yung tungkol sa limitations ng media pagdating sa coverage.

As expected, walang naresolba ang usapan…

Tanong ni Big Boss ke Sec. Puno, something like: kung magpapatuloy pa rin ba kaming magco-cover sa kabila ng “request” ng PNP na lumayas kami sa location, ibig sabihin ba nun eh me karapatan na ang PNP na posasan kami?

Sagot ni Sec. Puno: Oo, kung matigas ang ulo ninyo, poposasan namin kayo.

Natawa na lang si Big Boss, sabay sabi na kelangan na nga naming i-register ang aming protest sa patakarang iyon ng pamahalaan.  Hindi ako reporter at bihira lang naman kaming mapasabak sa bakbakan… Pero bilang miyembro ng media, napataas ang kilay ko sa banta ni Sec. Puno…

Kaya siguro nabad trip ang gobyerno sa media, nakita kasi nila ang point ng hinirit ni Malaya Publisher Jake Macasaet:

“The media and the state are classic adversaries. The greatest threat is when they come to terms.”

Magaganda rin yung mga sinabi ni MLQ3 tungkol sa mga tunay na Katipunerong Bugok sa Manila Pen. Meron pang isa tungkol sa media.

Kahit sinong nag-iisip na Pinoy, kahit hindi miyembro ng media, maiintindihan kung bakit naliligalig ang mga tulad ko. Huwag naman sanang pahintulutan ni Papa Jesus, pero kung ganyan ang takbo ng kukote ng mga nasa pamahalaan natin, hindi na malayong matulad tayo sa China.

Huwag naman sana.